काठमाडौं । काभ्रेपलान्चोकको खानीखोला गाउँपालिकाको आयोजनामा आदिइत्यादिको प्रस्तुति रहेको चेतनामूलक सडकनाटक ‘कामकुरो’को प्रदर्शनी आजबाट सुरु भएको छ ।
आज आइतबार माघ १४ गतेदेखि माघ १८ गतेसम्म उक्त गाउँपालिका भित्रका विभिन्न सामुदायिक विद्यालयहरुमा नाटक प्रदर्शन हुने भएको हो ।
पुरु लम्सालको लेखन तथा निर्देशन रहेको नाटक ‘कामकुरो’को प्रदर्शन आज गाउँपालिकाको बुद्ध माध्यमिक विद्यालय धाप्लेमा विहान १०ः ३० र जनहित माध्यमिक विद्यालय महाकाँलमा दिउँसो २ बजे प्रदर्शन हुने भएको छ ।
त्यस्तै, भोलि माघ १५ गते बालविकास माध्यमिक विद्यालय फलामेटार र धार्ने ज्योति माध्यमिक विद्यालय धार्ने, मा १६ गते भृकुटी माध्यमिक विद्यालय सौरे र कुमारी माध्यमिक विद्यालय जगथली, माघ १७ गते शारदा माध्यमिक विद्यालय देउराली र १८ गते जनविकास माध्यमिक विद्यालय ताल्ढुङ्गामा नाटक प्रदर्शन हुनेछ ।
नाटकमा सुशीलसिंह ठकुरी, दीपमाला परियार, दिवाकर घिमिरे, सागर कार्की, शान्ति भट्टराई, प्रज्ज्वल अधिकारी र अन्जना दुलालको अभिनय रहेको छ ।