लमजुङको परिवेशलाई लिएर तयार पारिएको नाटक ‘पानीघट्ट’ नेपाल संगीत तथा नाट्य प्रज्ञा प्रतिष्ठानको आयोजनामा हुने महोत्सवमा मञ्चनका लागि छनोटमा परेको छ । पुरु लम्सालद्वारा लिखित/निर्देशित नाटक चैत्र १३ गते साझ ५ बजे पाेखरा थियटर, गैह्रापाटन पाेखरामा मञ्चन हुने भएको हो 
नेपाल संगीत तथा नाट्य प्रज्ञा प्रतिष्ठानको आयोजनामा विश्व रंगमञ्च दिवसको अवसर पारेर चैत ८ देखि १४ गतेसम्म पाेखरामा नाटक महोत्सवको आयोजना गरिएकोले महोत्सवमा नाट्य क्षेत्रका बारेमासमेत छलफल हुने स्थानिय व्यवस्थापक समेत रहेका पोखरा थिएटरका अध्यक्ष परिवर्तन कार्कीले बताए ।
मञ्जरी नाटय समूहमा आबद्ध १६ कलाकारले यसमा अभिनय गरेका छन् । गत वर्ष ‘फडके’ नाटक मञ्चनपछि राम्राे प्रतिकृया पाएका निर्देशक लम्सालले याे वर्ष ‘पानीघट्ट’ तयार पारेका छन् । ‘यसको कथा, विषयवस्तु, स्क्रिप्टलाई मन पराएर कोलकाताको फेस्टिबलमा समेत मन्चन गरिएको भइसकेको छ ।
‘नेपालमै लोपोन्मुख पानीघट्टलाई विषयवस्तु बनाएर लोकसंस्कृति ठाडोभाका समेतलाई जोगाउने प्रयास नाटकमार्फत गरेका छौं,’ निर्देशक लम्सालले भने, ‘यसमा १३ वर्षीय विप्लव बोहरादेखि ७० वर्षीय विष्णुभक्त अधिकारीसम्मले अभिनय गरेका छन् ।’